ឧត្តរមានជ័យ : កាលពីនៅថ្ងៃអង្គារ ទី០៨ ខែមិថុនា ឆ្នាំ២០២១ រដ្ឋបាលខេត្តឧត្តរមានជ័យបានប្រកាសបិទខ្ទប់ជាបណ្តោះអាសន្នទីតាំងផ្ទះចំនួន៣ខ្នង ស្ថិតនៅសង្កាត់អូរស្មាច់ ក្រុងសំរោង ដែលមានការពាក់ព័ន្ធនឹងករណីអ្នកជំងឺកូវីដ-១៩ ឈ្មោះ ឈុំ ជៀន ភេទស្រី អាយុ៥៧ឆ្នាំ មានអាសយដ្ឋានស្ថិតនៅភូមិអូរស្មាច់ សង្កាត់អូរស្មាច់ ក្រុងសំរោង ចាប់ពីថ្ងៃទី០៨ ខែមិថុនា រហូតដល់មានការសម្រេចជាថ្មី។

១, ផ្ទះអ្នកលក់គុយទាវឈ្មោះ ប៉ោ រ៉ុម ភេទប្រុស អាយុ៥៦ឆ្នាំ ស្ថិតនៅភូមិអូរស្មាច់ (ក្នុងចំណត រថយន្តអូរស្មាច់) ។

២, ផ្ទះគ្រូពេទ្យឈ្មោះ កែ វណ្ណា ភេទប្រុស អាយុ៦១ឆ្នាំ ស្ថិតនៅភូមិចំការចេក។

៣, ផ្ទះអ្នករត់តាក់ស៊ីឈ្មោះ គង់ ផៃ ភេទប្រុស អាយុ៤៣ឆ្នាំ ស្ថិតនៅភូមិដើមជ្រៃ។

រដ្ឋបាលខេត្តបន្តទៀតថា នាយករដ្ឋបាលសាលាខេត្ត ស្នងការនគរបាលខេត្ត មេបញ្ជាការកងរាជអាវុធហត្ថខេត្ត អភិបាលនៃគណៈអភិបាលក្រុង ប្រធានមន្ទីរសុខាភិបាលនៃរដ្ឋបាលខេត្ត ប្រធានមន្ទីរ - អង្គភាពពាក់ព័ន្ធនិងចៅសង្កាត់ពាក់ព័ន្ធត្រូវទទួលបន្ទុកអនុវត្តសេចក្តីសម្រេចនេះតាមភារកិច្ចរៀងៗខ្លួនចាប់ពីថ្ងៃចុះហត្ថលេខានេះតទៅ៕